MARPARBUE NA DENGGAN MA HITA, JALA GABE PASU-PASU TU SANDOK DONGAN DI PORTIBION

Ev: Yohannes 15 : 1-15

Hamu angka dongan sahaporseaon di bagasan Kristus,

            Ia turpuk on sada cerminan na denggan do na dilehon amanta Debata tu hita saluhut jolma diportibion. Diumpamahon Tuhan Jesus do ti hita songong ranting ni anggur i, molo so denggan parbuena dipangkas jala dibolokkon do (Ay.2) alai molo marparbue na denngan do parbuenai dijaga, dirawat do.

Hamu angka dongan sahaporseaon,

 

            Marhite hata ni Debata na sinuratho ni si Yohannes on, taida tanda holong ni roha ni Debata tu hita jolma, mansai denggan do dijaga Ibana hita ganup tingki, angka aha na tajalo tu Ibana dilehon do. Alai sipata jotjot mambahen arsak ni roha Debata hita, sai na holan maralo tu patikNai do hita. Ala ni i, disuru Debata hita asa marparbue parbue na denggan tu saluhut jolma, marhite mangkaholongi dongan, adong dame dibagasan roha (Ay.9), jala molo ringgas rohanta mamelehon dirinta tu Tuhan Jesus, olo hita mangoloi patikNa, dapotan las ni roha mariburibu hali ganda do hita (Ay.10). Ala ni i, sude ma hita manjangkhon Debata di rohantta, pola mate Ibana tarsilang asa monang hita sian sibolis i, jala tugas na utama na dilehon ni Debata tu hita mangkaholongin Debata, dohot dongan (Ay.12) asa gok pasu-pasu hita. Hubuat sada ende na hombar tu topik ni turpukkon ima ende sian Buku Ende 457: 2&5

Diporsan do dosanta, targantung do singkatta di hau parsilang i,

Songon parjahat i, na mate do Ibana hita pinaluaNa,

Hupuji holongMi, na so mansohot i,

Hupuji holongMi, na so mansohot i.

                                    Rohanta diingani, TondiNa mandongani sude jolma i,

                                    Naung siseanNai, sai i do disarihon, tu surgo ditogihon

                                    Hupuji holongMi, na so mansohot i, 

                                    Hupuji holongMi, na so mansohot i.

Selamat gabe jolma na marpabue na denggan ma hita, selamat gabe jolma na mamboan pasu-pasu tu sandok dongan di portibion, sai Tuhannta ma na mandongani hita di sude ulaonnta. AMIN